Анвар Бердиев: "Бугун жамоамиз ўзига ўхшамади"
10 окт 2023 23:48
Янгиликлар

Анвар Бердиев: "Бугун жамоамиз ўзига ўхшамади"

Теглар : "Шўртан""Арал"Анвар Бердиев ПРО-Лига

Про-лига 20-туридан ўрин олган "Шўртан" - "Арал" (1:1) учрашувидан сўнг мезбонлар бош мураббийи Анвар Бердиев матбуот анжуманида иштирок этди.

Ўйин ҳақида

- "Арал" жамоасини бир очко билан табриклайман. Бугун негадир жамоамиз ўзига ўхшамади. Футболчи рақибнинг кучини ҳисобга олган холда майдонга тушиши керак. Иккинчи бўлим бошида ўзгаришлар қилдик. Иккинчи бўлим давомида ҳам қатор ўзгаришларни амалга оширдик. Захирадан майдонга тушган футболчиларнинг ҳам ўйини қовушмади.

- Жамоа бугунги билан қўшиб ҳисоблаганда 25 та тўп ўтказиб юборди. Ҳимоя чизиғи ҳақида фикрингиз қандай?

- Гол ўтказмаган ўйинларимиз ҳам бўлган. Ҳимоя чизиғимиз вакиллари ўзларига ортиқча ишонган холда рақибнинг кучини ҳисобга олишмаяпти. Ҳимоячи 90 дақиқа яхши ўйнаб, 91-дақиқада гол ўтказиб юборса, у айбланаверади.

- Таркиб ва тактика бўйича хато қилдим деб ўйлайсизми?

- Йўқ, бундай демаган бўлардим. Биринчи бўлимда йигитлар яхши ҳаракат қилишди. Иккинчи бўлимда "Арал" жамоаси дарвозамизга бир марта яқинлашди ва гол уриб кетди.

Ҳавола :

Манба : championat.asia

Янгиликларни Телеграмда ўқинг!

Рейтинг: