Анри "Арсенал" ЕЧЛни ютиши мумкин деб ҳисоблайди

"Арсенал" клуби собиқ футболчиси Тьерри Анри жамоа Европа Чемпионлар Лигасида ғалаба қозониши мумкин  деб ҳисоблайди. Унинг фикрича, ПСВга қарши ўйин жамоага ишонч бағишлайди.

"Ҳа, "Арсенал" ЕЧЛни ютиши мумкин. Мен бунга чин дилдан ишонаман, шунинг учун ҳам бу гапни айтяпман. Мен улар буни кучли жамоаларга қарши ўйинларда исботлашларини хоҳлайман. ПСВга ҳурматни сақлаган ҳолда айтаманки, "Арсенал" меҳмондаги ўйинда қийналса керак дегандим. Якунда эса умуман бошқа иш юз берди. 

АПЛда кураш якунланди, буни ҳаммамиз тушуниб турибмиз. Қандайдир мўжиза юз бермаса, барчаси маълум.

ПСВга қарши ўйинлар "Арсенал"га кейинги босқичда "Реал" ёки "Атлетико"га қарши ўйинда ишонч беради деб ўйлайман. Баъзида финал йўлидаги рақибларга қарши ўйинлар сизга ёрдам бериши, баъзида бермаслиги мумкин. Агарда ЕЧЛни ютмоқчи бўлсанг, ушбу жамоларнинг ҳаммасини ортда қолдириш керак бўлади", -дейди Тьерри Анри.