UZ

Сўнгги янгиликлар

18:47Туркия. Алиқулов жамоаси иродали ғалабага эришди  0 18:20"Ростов" сўнгги 15 дақиқаликдаги 2та гол туфайли ЦСКАдан ғалабани юлиб олди  7 18:00"Севинч" - 14 карра Ўзбекистон Кубоги соҳиби!  2 17:42"Матч ТВ" графика оператори ишсиз қолди. Нега?  4 17:07Суперлига. "Бунёдкор" "Олимпик"ни мағлуб этди ва хавфли зонадан узоқлашди  1 16:54"Лестер" - "Челси". Кимлар асосий таркибда?  0 16:39Суперлига. "Андижон" - "Динамо" 2:0 (матнли трансляция)  10 16:10МЮдагилар ёзда 42,5 млн. еврога сотиб олинган футболчига шубҳа билан қарашмоқда  0 15:43ЦСКА - "Ростов". Таркиблар эълон қилинди  7 14:48Гвардиола: "Манчестер Сити"га дунёнинг энг яхши футболчиси етишмаяпти"  18 13:50Энрике: "Ҳайратланарли томоша кўргингиз келса "Дю Солей Цирки"га боринг"  1 13:426+4+3. Кузги имтиҳондан яхши ўтдик  26 13:16Родри Пеп ва Симеоне ўртасидаги фарқни айтди  5 12:11"Реал" 11 ойдан бери "Бернабеу"да 15 млн. евро даромад келтириши кутилаётган бар-ресторанни очолмаяпти  1 11:39Пети: "Анчелотти ва яна бир неча футболчилар Мбаппе "Реал"га ўтишини хоҳламаганига ишончим комил"  18

Андрей Мельничук: "Табиат қўйнидаги тайёргарлик - айни муддао" Янгиликлар

Андрей Мельничук: "Табиат қўйнидаги тайёргарлик - айни муддао"

«Динамо» жамоасининг иккинчи давра олдидан ўтказган дастлабки йиғини якуни арафасида жамоамиз сардори, тажрибали посбон Андрей Мельничук билан қисқача суҳбатлашдик.
- Андрей, тоғ ён бағрларида ўтказилаётган йиғин қандай ўтмоқда? Умуман, тайёргарлик босқичи борасидаги фикрларингиз?

- Таътилдан сўнг, йиғиннинг тоғда – мана шундай табиат қўйнида ўтказилинаётганлиги айни муддао бўлди. Барча футболчилар катта иштиёқ билан машқларга киришишган. Бу ерда футболчилар жисмоний ҳолатиларини тезроқ юқори ҳолатга келтиришлари нисбатан осон кечади. Қолаверса, тоғда футболчи бошқа нарсаларга чалғимай, фақат тайёргарлик ҳақида ўйлайди. Кўп жиҳатдан бундай сўлим гўшада тайёргарлик олиб бориш жамоа футболчилар учун катта фойда бўлади.

- Биринчи давра баҳсларида нимадан қониқдингиз, нималардан кўнглингиз тўлмади?


- Мавсумнинг бошланиш қисмида эришган натижаларимиздан кўнглим тўлди. Чунки, кетма-кет ўйинларда «Металлург»ни ўйда мағлуб этдик, «Сўғдиёна» ва «Андижон» майдонидан ғалаба билан қайтдик. Бироқ, «Пахтакор»га қарши кечган ўйинда сўнгги дақиқаларда мағлубиятга учраганлигимиздан сўнг, жамоанинг руҳий ҳолати пасайди. Ҳар қанча уринмайлик, барибир кетма-кет ўйинларда очко ололмадик. Омад ҳам биздан юз ўгирганди. Фақатгина давра якуни арафасида Бухорода ҳам 70 дақиқа давомида бир киши кам бўлиб ўйнаган бўлсакда ғалабани қўлдан чиқариб, дуранг натижа билан қайтдик. «Навбаҳор» билан эса сўнгги турда ишончли ғалабага эришдик. Айнан мана шу баҳсда кўрсатган ўйинимиз барча футболчиларга яна ишончни қайтариб берди.

- Олдинда эса жамоани иккинчи давра ўйинлари кутмоқда. Бу сафар жамоамиз ўз уйида 7 та учрашув ўтказади…


- Бу жамоамиз фойдасига ишлайди, деган умиддаман. Ўз майдонимизда бўладиган «Сўғдиёна», «Андижон», «Қизилқум», «Олмалиқ», «Нефтчи», «Бухоро»га қарши учрашувларда ғалаба қозонишимиз шарт. Аслида, биринчи даврада ҳам Навоий, Олмалиқ ва Фарғонадан очко билан қайтишимиз мумкин эди, бироқ ўйинларда омадимиз келмади. Навоийда ўтказиб юборган икки голимиз ҳам қоидага хилоф эди – бири «аут»дан қўл билан тўғри дарвозага киритилди, иккинчиси яққол «офсайд»дан эди. Олмалиқ ва Фарғонада эса йўқ жойдан пенальти белгиланди. Биз эса имкониятларимиздан фойдалана билмадик. Умид қиламанки, жамоамиз иккинчи даврага пухта тайёргарлик кўриб биринчи даврада йўқотилган очколарни қайтариб ўз жойига қўяди.

Бунинг учун давра ўйинларини муваффақиятли бошлашимиз муҳим. «Насаф» билан учрашувда жамоамиз мухлисларнинг қўллаб-қувватлашини ҳис этиб фақат ғалаба учун майдонга тушади. Таркибимиз биринчи йил бирга ўйнамаяпти. Жамоа бирга тажриба орттирди, анча шаклландик. Биз билан яна ишга киришган Камо Газаров ҳам бегона эмас. У билан ўтган йил бирга ишладик, биринчи даврада эса Камо Александрович ёшлар таркибида муваффақиятли ишлаб, асосий таркиб учун иқтидорли ёшларни етказиб берди. Шундай экан, ўз кучимизга ишониб, бирга яхши натижаларни қўлга киритиш учун курашишга тайёрмиз.

Усмон ИБОДОВ суҳбатлашди.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика