Андрей Фёдоров: "Фарғона менинг шаҳрим, "Нефтчи" эса жамоам!"

Ўзининг бой тажрибаси билан эндиликда Нефтчига ёрдам берадиган Андрей Витальевич яна қадрдон жамоасига қайтганидан мамнун эканлигини биз билан бўлган суҳбатда яшириб ўтирмади.

- Фарғона менинг шаҳрим, "Нефтчи" эса жамоам. Бу клубда ўйнаб улғайдим. Энди бу жамоага мураббий сифатида ёрдам беришга қарор қилдим. Албатта бугунги кунда жамоанинг турнир жадвалида эгаллаб турган ўрнидан ташвишдаман. Нефтчи илгари гранд клублар қаторидан юрган. Афсуски охирги йиллардаги натижалар кишини дилини хира қилади. Энди ушбу инқироздан олиб чиқиб кетиш учун мен ҳам бор билим ва маҳоратимни ишга саломан.

- Мураббийлар штабида Мурод Исмоилов ва Сергей Лебедов сингари ўзим учун қадрдон бўлган дўстларим билан ишлаш ёқимли.

- Ўзим ҳимоячи бўлганим учун бу ерда асосан мудофаа чизиғи вакиллари билан ишлайман дея олмайман. Бош мураббийнинг дастури бўйича иш олиб борамиз. Лекин кимгадир маслаҳатим керак бўлса, бажонидил беришга тайёрман. Вақти келса албатта ҳимоячиларимизга ҳам керакли кўрсатмалар бериб бораман", - дейди Андрей Фёдоров.

Исломбек Рустамбеков.