Андреа Пирло: "Мен ўсишга эришдим. Янги мавсумда ҳам ўзимни "Ювентус" мураббийи сифатида кўряпман"

"Мен учун мавсумни Италия Кубогини ва ЕЧЛ йўлланмасини қўлга киритган ҳолда якунлаш муҳим эди. Мен доимо бор кучимни бажараётган ишимга бағишлайман ва мана бунинг натижаси. Келажагим борасида қарор қабул қилиши керак бўлган инсонларнинг навбати келди. Ўзимни кейинги мавсум ҳам "Ювентус" устози сифатида кўряпман. Бу ҳақида расман эълон қилишдан фақатгина бахтли бўлардим, аммо ҳозирча эришган натижаларимиздан завқланишимиз мумкин.

Янги мавсумда "Ювентус" янада кучайишига ишонаман. Баъзи футболчилар ўз иқтидори ва нималарга қодир эканлиги ҳақида тасаввурга ҳам эга эмас. Биз елкама-елка ҳаракат қилсак, албатта тўғри йўналишда давом этиб, мақсадга эришамиз. Янги мавсумда ҳам бирга бўлсак, бизда кучли пойдевор бўларди.

Мен ҳеч қачон қўрқув ичра қолмаганман. Шунчаки, машғулотлар жараёнини йўлга қўйиш, йигитларга нималарни истаётганимни тушунтириш учун вақт керак бўлди. Таркибда бу қадар кўп чемпион билан иш бошлаш осон бўлмади, лекин ҳамма менга кўмаклашишга ҳаракат қилди. Мен мураббий сифатида ўсишга эришдим. Мавсум турли сабабларга кўра оғир бўлди, аммо бу мени янада кучлироқ қилди", — дея Пирло сўзларидан иқтибос келтиради Football Italia.