Андижонда 11-17 ёшли футболчилар ўртасида вилоят саралаш босқичи бўлиб ўтди
15 фев 2018 08:20
Янгиликлар

Андижонда 11-17 ёшли футболчилар ўртасида вилоят саралаш босқичи бўлиб ўтди

Теглар : Андижон

Андижон вилояти футбол федерациясининг 2018 йил тақвим режасига асосан 9-13 февраль кунлари футбол бўйича 11-17 ёшлилар ўртасида вилоят саралаш биринчилиги ўтказилди.

Ушбу мусобақа вилоятнинг 4 та ҳудудида ўтказилди ва худудларда биринчи ўринни олган жамоалар вилоят финал босқичида иштирок этиш ҳуқуқини қўлга киритдилар.

Мусобақанинг вилоят финал босқичи жорий йилнинг 13 февраль куни 11-13 ёшлилар ўртасида ўтказилди хамда вилоят ғолиблари аниқлаб олинди. 11 ёшли болалар ўртасида 1-ўринни вилоят БЎФМ жамоаси қўлга киритди. 13 ёшли ўсмирлар ўртасида Андижон вилоят ФИЛИ жамоаси эгаллади ва ушбу жамоалар ЎФА нинг 2018 йил тақвим режасига асосан ўтказилиши режалаштирилган Республика босқичларида иштирок этиш ҳуқуқинини қўлга киритдилар. Мусобақа ғолиблари Андижон вилоят футбол федерацияси ва Болалар спортини ривожлантириш Жамғармаси эсдалик совғалари хамда дипломлари билан тақдирландилар.