Ilhom Mo'minjonov boshchiligidagi "Metallurg" ayni paytda Qozog'istonning "Ontustik Akademiya" jamoasiga qarshi nazorat uchrashuvi o'tkazmoqda. Bekobod jamoasida chernogoriyalik yarim himoyachi Armin Boshnyak o'yinni asosiy tarkibda boshladi.
Ma'lumot uchun, Armin Boshnyak 2023-2024 yilgi mavsumda "Andijon" sharafini himoya qilgan. U "burgutlar" safida Superligada 23 ta o'yinda maydonga tushgan va 4 ta gol, 2 ta assist qayd etgan. Futbolchining so'nggi jamoasi Chernogoriyaning "Arsenal Tivat" klubi hisoblanadi.
Transfermarkt portali to'pteparning qiymatini 175 ming evroga baholagan.
