"Caught Offside" хабарига кўра, Слот ҳозирча ишдан бўшатилмайди. Бироқ натижалар яхшиланмаса, Мерсисайд клуби раҳбарлари мураббийни алмаштириш вариантини кўриб чиқади.
Манбанинг таъкидлашича, агар Слот кетса, "қизиллар" Юрген Клоппни қайтаришга ҳаракат қилиши мумкин. Германиялик мутахассис яқинда агар яна Премьер-лигада мураббийлик қилса, фақат "Ливерпул"да ишлашини таъкидлаганди.
Юрген Клопп "Ливерпул"ни 2015 йилдан 2024 йилгача бошқарган. Ҳозирда у "Red Bull" футбол тизимида ишламоқда.
