Алвес: "Хетафе"даги кийиниш хонасини бошқалар ифлос қилган ва айбни бизга тўнкашди"

"Биз "Хетафе" стадионидаги кийиниш хонасини ифлос қилганимиз йўқ. Бу ишни бошқалар қилган ва айбни "Барселона" футболчиларига тўнкашди. Дунёда бунданда муҳимроқ ишлар бор. Масалан, очликдан вафот этаётган болалар. Шунчаки ҳаётдан роҳатланиш лозим" - дейди Алвес.

Олдинроқ "Хетафе"га қарши ўйиндан сўнг "Барселона" футболчилари Хеллоуин байрами туфайли турли хил кийимларни кийиб "Хетафе" футболчиси Виктор Родригес журналистларнинг саволларига жавоб бераётган матбуот-анжумани залига бостириб киргани хабар қилинган эди. Шундан сўнг, испан ОАВ "Барселона" кийиниш хонасидаги суратларни оммага тақдим этган. У ер жуда ифлос ва хатто баъзи жойларда қизил бўйоқ излари бор эди.