Алишер Латипов: "Мавсум олдидан кучли бешлик вазифаси қўйилганди"

- Барча гувоҳи бўлганидек, ўз хатоларимиз эвазига голлар ўтказдик. Иккинчи бўлимда ўйинни ўзгартиришга ҳаракат қилдик. Лекин бунинг иложиси бўлмади. "Шўртан"ни ғалаба билан табриклайман. Бу ўйинни эсдан чиқарамиз, барчасини яхши тахлил қилиб, "Машъал" билан ўйинга тайёргарлик кўришни бошлаймиз.

- Биринчи голга фикрингиз. Тўпга биринчи бўлиб ким улгуриши керак эди: дарвозабон ёки ҳимоячи?

- Бу ерда фақатгина дарвозабонда эмас, ҳимоячиларда ҳам хато бор эди. Хато кетма-кет кетди ва шу сабабли гол урилди.

- Тезкор голдан кейин жамоадагилар ўзларини йўқотиб қўйишмадими?

- Йўқ, имкониятлар бўлди. Бугун омад ҳам биз томонда бўлмади. 

- Бугун урилган голларнинг барчаси чап қанотдан ўтказиб юборилди. Нималарнидир ўзгартиришни ўйламадингизми?

- Ўйлаб кўрдик, лекин ҳозирги ҳолатимизда бунинг имконияти бўлмади. Чунки бир қанча футболчиларимиз жароҳатда. 

- Белгиланган пенальтида дарвозабонга қандай эътирозингиз бор?

- Эътироз йўқ. Дарвозабон ҳам ҳаракат қилди. Барча голларни ўнг томондан ўтказиб юбордик.

- Мавсум бошидаги мақсад ва вазифа қандай эди ва жамоа буни бажаряптими?

- Мақсад бор эди - кучли бешликка кириш вазифаси қўйилганди. Ҳаракат қиламиз, буёғи футбол. Қўлимиздан келганини қиламиз.