The Guardian нашрининг ёзишича, инглиз клуби "Севилья"дан Диего Карлос ва "Атлетико"дан Хосе Хименесни захира вариант сифатида олиб қўйган. "Шаҳарликлар" Италия клуби томонидан Калиду Кулибали учун ўрнатилган 80 миллион евро жуда қиммат деб ҳисоблашмоқда.
"Сити" бош мураббийи Пеп Гвардиола Хименес ва Карлоснинг иқтидорига тан берган. Агар "Наполи" Кулибали трансферига қўйилаётган талабларни пасайтирмаса, инглиз клуби юқорида номлари келтирилган икки ҳимоячидан бирини сотиб олишга ҳаракат қилади.
Олдинроқ "Сити" Хименес учун 89 + 5 миллион евро таклиф қилгани ҳақида хабар берилган эди.
