Афсуски, Ўзбекистон футзал МТЖнинг яна бир ўйинчиси Жаҳон чемпионатини ўтказиб юборади

Ўзбекистон футзал миллий терма жамоаси аъзоси Суннатилла Жўраев Португалияга қарши ўртоқлик учрашувида жароҳат олган эди. Текширув натижаларига кўра, футзалчимизнинг хочсимон пайи лат еган ва эндиликда у операция қилинади.

Афсуски, футзалчимиз бир қанча муддатга сафдан чиқди ва яқинлашиб келаётган ФИФА Футзал Жаҳон чемпионатини ўтказиб юбориши маълум бўлди.

Суннатилланинг тезроқ соғайишини тилаб, уни қўллаб-қувватлашда давом этамиз.

Эслатиб ўтамиз, олдинроқ етакчи футзалчиларимиздан Даврон Чориев ва Равшан Элибоев ҳам мундиални ўтказиб юбориши маълум бўлган эди. Бундан ташқари, Анасхон Раҳматов ҳам анчадан бери машғулотларда иштирок этмаяпти.

Ўзбекистон футзал терма жамоасининг ЖЧ олдидан сўнгги йиғинига кимлар чақирилди?