UZ

Сўнгги янгиликлар

02:05ЕЧЛ. "Ман Сити", "Ливерпуль" ва "Интер"да ғалаба. "Лилль" бу сафар "Атлетико"ни мағлуб қилди  3 01:55ЕЧЛ. "Барселона" "Бавария"га ҳеч қандай имконият қолдирмай, йирик ҳисобда ғалаба қозонди. Рафиньядан хет-трик!  173 00:40ЕЧЛ. "Байер" "Брест" билан, "Аталанта" эса "Селтик" билан дуранг қайд этди  2 00:25ОЧЛ 2. "Насаф"нинг гуруҳидаги иккинчи баҳсда "Шабаб Ал Аҳли" йирик ғалаба қозонди (+гуруҳдаги вазият)  4 23:45Россия кубоги. "Рубин" меҳмонда "Акрон" устидан ғалаба қозонди  0 23:34Ламин Ямаль яқинлашиб келаётган "Эл Класико" ҳақида гапирди  2 22:56ОЧЛ-2. "Насаф" сўнгги дақиқаларда ўтказиб юборилган голлар туфайли "Ал Ҳуссейн"га имкониятни бой берди  125 22:35Тьерри Анри "Олтин тўп"ни Родри ютиши керак деб ҳисоблайди  1 22:05Моуринью АПЛнинг 2017-2018 йилги мавсуми ҳақида: "Бизда ҳали ҳам чемпион бўлиш имконияти бор, агар..."  5 21:20Жозе Моуринью Эрик тен Хагнинг МЮдаги фаолияти ҳақида гапирди  2 20:28"Навбаҳор" ва "Пахтакор" ўртасидаги учрашув бошқа санада ўтказилади  6 20:07ОЧЛ-2. "Ал Ҳуссейн" - "Насаф". Асосий таркиблар маълум, Марушич, Сидиқов ва Ғайбуллаев қайдномада ҳам йўқ  18 19:52"40 соатлик йўлдан кейин ҳам йигитларнинг чарчагани кўринмади"  0 19:23Алиқулов: "Ғалаба бизни Суперлигага яқинлаштирди"  2 19:05ОЧЛ-2. "Селангор" ОЧЛнинг 2 карра ғолибини мағлуб этди, Умар Эшмуродовдан ассист  2

Афсонавий Бугало дарвозасига хет-трик. Ахбор Имомхўжаев хотира турнири старт олди Янгиликлар

Афсонавий Бугало дарвозасига хет-трик. Ахбор Имомхўжаев хотира турнири старт олди

Кеча ўзбек спорт журналистикаси асосчиси Ахбор дода Имомхўжаев хотираларига бағишланган турнир старт олди.

Ўтган йил илк бор ўтказилган мусобақа анъанавий тус олди. Ушбу турнир ташкилотчилари раҳматли Ахбор доданинг фарзандлари ва набиралари. Бу йил жами 10 та жамоа унда иштирок этмоқда. Булар: ЎФА, "Сулола", ЎзПФЛ, "Пахтакор", "Championat.asia", "Спорт ТВ", ЎзФҲМ, "Kun.uz", "Журналист" ва "Тонг 2".

«Ахбор Имомхўжаев хотира турнири». ЎФА ҳакамларни мағлуб этди, «Пахтакор» фахрийлари сўнгги сонияда "Championat.asia" билан дуранг ўйнади


"Championat.asia" жамоаси кеча "Пахтакор" афсоналарига қарши баҳс олиб бордик. Рақиб сафида Павел Бугало, Мурод Алиев, Шуҳрат Мақсудов, Собир Ходиев, Абдумажид Тоиров, Акмал Шораҳмедов каби яқин ўтмиш юлдузлари тўп тепишди. Яқин йилларгача уларнинг кўпчилиги ўйинларини ёритиб келганмиз, кеча эса майдонда қарши ўйнадик. Учрашувдан олдин "Пахтакор" яққол фаворит эди, аммо ўйинда аслида ундай эмаслигини исботлай олдик. Шахсан ўзим афсонавий посбон Павел Бугало дарвозасига 3та тўп киритдим. Қачондир Бугало қўриқлаётган дарвозага хет-трик қиламан деб ўйламасдим. Ёшидан қатъи назар у афсона ва бу голлар мен учун қадрли бўлиб қолади. Бундан ташқари, беллашув давомида бир эпизодда Акмал Шораҳмедовни Иньеста услубида алдаб ўтдим ва ўша паллада гол ургандан кам ҳурсанд бўлмадим. Ўша эпизодни суратлар ёрдамида кўрсатиб беришга ҳаракат қиламан.

Суратлар учун Рустамхўжа Набихўжаевга раҳмат.


Ўз навбатида бизнинг дарвозага киритилган 3 та голга ҳам улардан бир футболчи муаллифлик қилди: Собир Ходиев. Салгина аламлиси эса биз 3:2 ҳисобида олдинда бораётганимизда баҳс тугашига бир неча сониялар қолганда ўз дарвозамизга пенальти олиб келдик ва тажрибали рақибларимиз ҳисобни тенглаштириб кетишди. Мусобақа регламентига кўра ўйин дуранг билан тугаса пенальтилар сериясига мурожаат қилинади. Унда ғолиб 2 очкога эга бўлади, мағлуб эса бир очко билан қолади. Серияда "Пахтакор" афсоналари бизни мағлуб этишди - 1:4. Турнир сенсациясини қайд этишимизга бир неча сония етмай қолди)

Биринчи кундаги ўйинлардан кейинги тўпурарлар рўйхати.


Учрашув якунланганидан кейин Акмал Шораҳмедов ўйинимизни алоҳида эътироф этиб кетди ва мақтади. Миллий терма жамоамиз тарихидаги энг яхши ўнг қанот ҳимоячиларидан бирининг эътироф ўйинимизга энг яхши баҳо деб айта оламан. Кеча майдонда сайтимизнинг барча ходимлари борларини беришди, иштиёқ жуда кучли эди. Майдондаги меҳнат учун уларнинг ҳар бирига раҳмат. Биз бир жамоамиз.


Ўз навбатида анъанавий тарзда ўтказила бошлаган турнир учун Ахбор доданинг фарзандлари ва набираларига алоҳида раҳмат! Зеро, бундай муҳитда ва бунақанги афсоналарга қарши ҳар доим ҳам тўп тепиш имкони бўлавермайди. Ҳаммага омад, файзимизни берсин!

Муаллиф : Tolibjon Qosimov
Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика