Абдуқодир Ҳусанов ва бошқа янги ўйинчилар учун ўтказилиши керак бўлган махсус тадбир "Этиҳад"нинг ёнидаги ёнғин сабаб бекор қилинди
30 янв 00:38
Янгиликлар
Абдуқодир Ҳусанов ва бошқа янги ўйинчилар учун ўтказилиши керак бўлган махсус тадбир "Этиҳад"нинг ёнидаги ёнғин сабаб бекор қилинди
"Манчестер Сити" клубининг уй стадиони "Этиҳад" ёнида ёнғин чиқди. Клуб либослари ва атрибутлари сотиладиган киоскларнинг бирида кутилмаганда ёнғин келиб чиққан. "Манчестер Сити" клуби ушбу ёнғин аллақачон ўчирилганини ҳам маълум қилиб улгурди. Бироқ, ЕЧЛ охирги туридан ўрин олган "Брюгге"га қарши муҳим баҳсни хавфсиз ўтказиш мақсадида клуб бир неча тадбирларни бекор қилди. Режага кўра ўйиндан олдин Абдуқодир Ҳусанов ва клубнинг бошқа янги ўйинчилари мухлислар билан махсус тадбирда иштирок этишлари керак эди. "Сити" ушбу тадбир бекор қилинганини маълум қилди.
"Манчестер Сити" стадион ёнида ёнғин содир бўлганини тасдиқлайди. Бугунги ўйиндаги мухлислар хавфсизлиги биз учун биринчи ўринда туради. Шу сабабли, ўйиндан олдинги баъзи тадбирлар бекор қилинади. Янги ўйинчиларни кутиб олиш, асосий жамоанинг етиб келиши каби тадбирлар бекор қилинди", -дейилади клуб баёнотида.

Ўхшаш янгиликлар
championat.asia
Суперлига. "Бухоро" ўз уйида бир киши кам "Нефтчи"дан очко тортиб олди
Суперлига. Чемпионлик учун курашаётган "Насаф" ўз майдонида "Машъал"га мағлуб бўлди
ЖЧ U-17. Ўзбекистон Ирландияга имкониятни бой берди
ЕЧЛ. Драматик кечган ўйинда "Барселона" меҳмонда "Брюгге" билан дуранг ўйнади
Фикрлар