Абдумавлон Абдужалилов: "Эътирофни кутмагандим"

Шунингдек посбон тур рамзий терма жамоасига киритилди. Ёш дарвозабон ўз фикрларини билдирди.


"НАСАФ" БИЛАН ЎЙИН ҲАҚИДА
- Очиғи “Насаф” билан ўйинни бошида бироз ҳаяжон бўлди. Сабаби ўз мухлисларимиз қаршисида кучли рақибга қарши очилиш ўйинида тўп тепдик. Лекин кўп ўтмай ҳаяжон йўқолди. Айтиш керакки, шу куни ҳимоя чизиғимиз тартибли ўйин кўрсатди. Шу сабаб дарвозамиз даҳлсизлигини сақлаб қолдик.

ТУР ТЕРМА ЖАМОАСИГА КИРГАНИ ҲАҚИДА
- “СА”нинг эътирофини кутмагандим. Чунки турнинг қолган ўйинларини ҳам кузатганимда ҳамкасбларим ҳам яхши ҳаракат қилишганди. Журналистларнинг эътиборига тушиш ҳар бир спортчи учун ёқимли бўлса керак.

"СЎҒДИЁНА" БИЛАН БАҲС ҲАҚИДА
- Тўғриси “Насаф”га қарши ўйиндан кейин “Нефтчи”га нисбатан эътибор ошди. Энди кўпчилик биздан янада яхши ўйин ва натижа кутади. Аллақачон “Сўғдиёна” билан ўйинга тайёргарликни бошлаб юбордик. Аввалги ўйиндаги хатоларни таҳлил қилиб, галдаги учрашувда бу камчиликларни бартараф этишга ҳаракат қиламиз. Жиззахда бизни қийин ўйин кутяпти. Чунки “Сўғдиёна” очилиш ўйинида ўз мухлислари учун  ғалаба тақдим этишга ҳаракат қилади. Стадиондаги муҳитни таассавур қилиш мумкин. Лекин “Нефтчи” Жиззахга ғалаба учун боради. Бу бизнинг асосий мақсадимиз саналади