"Ё, ҳудо, бизни ажратишмаса, Златан мени ўлдириб қўяди" - Рохо бир воқеани эслади

"Златан тўп билан бўлишни истарди. "Олд Траффорд"да ҳисоб 0:1 турган бир паллада Златан очиқ бўлса-да, тўпни ўйинчилар орасидаги Погбага оширдим. Поль эса тўпни қизғаниб, рақибларни алдаб юрди. Шунда Златан мени сўкишни бошлади.

Тинмай сўкаётганди, шунда унга: "Овозингни ўчир, каттабурун. Сенга фақат тўп керак", деб жавоб бердим. Биринчи бўлим якунланди, барчамиз кийим алмаштириш хонасига кетаётгандик. Бир вақт Златан ерда ётган елим идишни тепиб, асабий ҳолатда менга қаради: "Менга ҳозир нима дединг?".

Мен ҳам жойимда тўхтаб: "Сен менга нима дединг?", деб жавоб қайтардим. 

Унинг кўзларига қараб турардим ва ичимдан: "Ё ҳудо, бизни ажратинглар, бўлмаса у мени ўлдириб қўяди", деган нидолар келаётганди. Кийим алмаштириш хонасидан ҳаммадан асабий Моуриньо чиқиб келди ва барчамизни хонага олиб кириб кетди. Ютдик ва навбатдаги босқичга ўтдик.

Эртаси куни клуб ошхонасида нонушта қилаётган пайтим кимдир томоғимдан бўғди, ҳеч нима қила олмадим, кимлигини ҳам билолмадим, гапира олмадим ҳам. Ортимдан: "Сен кеча менга нима дединг?", деган овоз келди ва у бирданига томоғимни қўйиб юборди.

Ошхонадаги ҳамма кулиб юборди. Яхшики Златан хазиллашган экан. Ибрагимовичга ҳеч ким гапира олмаган. Шу жумладан мен ҳам", - деди Рохо.