Хави "Ал Садд"га таниқли испаниялик футболчини олиб келди
20 июл 2020 17:14
Новости

Хави "Ал Садд"га таниқли испаниялик футболчини олиб келди

"Ал Садд" "Вильярреал" ярим ҳимоячиси Санти Касорлани трансфер қилди.

"Биз Касорла билан келишувга эришдик. Тез орада у шартнома имзолаш ва жамоага қўшилиш учун Доҳага учиб келади.

"Ал Садд"га хуш келибсан, Санти!", - дейилади Қатар клуби хабарида.

"Ал Садд"ни айни дамда "Барса"нинг собиқ футболчиси Хави бошқармоқда. Олдинроқ, "Вильярреал" 35 ёшли Касорланинг жамоадан кетганлигини эълон қилган эди.

Футболчи жорий мавсум Ла Лига доирасидаги 35та ўйинда майдонга тушиб, 11та гол ва 10та ассист қайд этди.