Винисиус қишда "Реал"ни тарк этиши мумкин, унга АПЛ клублари даъвогар
24 ноя 2025 19:31
Новости

Винисиус қишда "Реал"ни тарк этиши мумкин, унга АПЛ клублари даъвогар

"Реал" ҳужумчиси Винисиус Жуниор қишки трансфер ойнасида жамоасини ўзгартириши мумкин, деб хабар берди инсайдер Экрем Конур.

Манбанинг сўзларига кўра, 25 ёшли футболчи Мадрид клуби билан янги шартнома бўйича келиша олмаяпти, бу эса "Манчестер Сити", "Челси" ва Саудия Арабистонининг бир нечта клубларининг қизиқишларига сабаб бўлмоқда.

Винисиус 2018 йилдан бери "Реал" сафида ўйнаб келмоқда. Бразилиялик футболчи 2025/26 йилги мавсум барча мусобақаларда 17 ўйинда майдонга тушиб, 5 та тўп киритган ва 4 та голли пас узатган.

Винисиус "қаймоқранглилар" таркибида Испаниянинг уч карра чемпиони, бир бор Кубок соҳиби бўлган, шунингдек, уч марта Испания Суперкубоги, икки марта Чемпионлар Лигаси, УЕФА Суперкубоги ва Клублар ўртасидаги ЖЧ ғолибига айланган.

Футболчининг мадридликлар билан шартномаси 2027 йилнинг июнь ойи охиригача мўлжалланган.

Ссылка :

Источник : x.com/Ekremkonur

Получайте новости прямо в Telegram!

Рейтинг: +1