Вадим Абрамов: "Пахтакор"га қарши ўйинда йигитларнинг ўзлари ҳам тажовузкорроқ ўйин кўрсатишга уринишади"

"Мухлисларнинг ташрифидан хурсандмиз. Асосийси, ҳар икки жамоа футболчиларга раҳмат дейман. Ўйлайманки, ўйин мухлисларга манзур келган.

Ўйинни ишонч билан бошлагандик, голдан кейин устунликни бериб қўйдик. "Пахтакор" футболчилари эса бундан фойдаланиб қолиб, гол уришди.

Ҳайриятки, 3-голни ура олдик.

Чемпионат давомида бир текис ўйин кўрсатиш қийин. Йигитлар борларини беришди. Уларга "Пахтакор" ўз майдонимизда чемпион бўлмаслиги кераклигини уқтирдик.

Бизда муаммолар жуда кўп. Лекин буни алоҳида айтиб ўтмоқчи эмасман.

"Пахтакор"га қарши ўйин учун махсус ишланмаларга қўл урасизми? "Пахтакор"га қарши ўйинда йигитларнинг ўзлари ҳам тажовузкорроқ ўйин кўрсатишга уринишади. Чунки уларда терма жамоа футболчилари тўп тепишади ва "Пахтакор" чемпионат лидери. Демакки, бу нормал ҳолат.

Умид қиламизки, ўйин мухлисларга манзур келган ва кейинги ўйинларда ажиотаж кузатилиши мумкин.

Тўхтасинов жамоамиз етакчиси. У қийин вазиятлардан гол уради, лекин негадир, оддий вазиятларда муваффақиятсизликка учрайди.

Тўхтасинов термадан чақирув олмаётгани кўпчиликни ҳайрон қолдиряпти? У термада ўйнаши мумкин ва номзодлар орасида бор. Уни чақирсам, "фақат "Бунёдкор" ўйинчиларини чақиради" дейишлари мумкин. Унинг позициясида терма жамоада футболчилар кўп. Масалан, Рашидовни ҳам ҳеч чақира олмаяпмиз. Чунки унинг жойида ўйнайдиган футболчилар кўп. Бозоров, Яхшибоев, Ўрунов... Бу бир тарафдан одамни қувонтиради. Мен уни яхши биламан. Албатта, ҳаммани кузатиб борамиз", – дейди Вадим Абрамов.