УЕФА мухлисларнинг хатти-ҳаракатлари учун "Бавария"ни жазолади

Европа футбол ассоциациялари иттифоқи (УЕФА) Чемпионлар лигаси умумий босқичининг 6-туридан ўрин олган "Спортинг"га (3:1) қарши ўйинда мухлисларнинг хатти-ҳаракатлари учун "Бавария"га берилган жазоларни эълон қилди.

Клуб Чемпионлар Лигаси 7-туридан ўрин олган "Унион"га қарши ўйинда секторларнинг қисман ёпилиши, 30 минг евро жарима ва икки йиллик синов муддати билан мухлислар секторини қисман ёпиш каби шартли жазога тортилиши мумкин.

"Спортинг"га қарши ўйиндан ташқари, "Бавария" "Эмирейтс"да "Арсенал"га қарши ўйинда спорт тадбири форматига мос келмайдиган нарсаларни улоқтириш, жамоат тартибини бузиш ва мухлисларнинг бақир-чақирлари учун 70 минг евро жаримага тортилди.

"Спортинг"га қарши ўйинда Мюнхен клуби мухлислари оловли шоу уюштиришди. Иккинчи бўлим бошида мухлислар бир вақтнинг ўзида 80 дан ортиқ сигнал ракеталарини ёқиши оқибатида "Мюнхен Арена" майдони қуюқ тутун билан қопланди.

Мюнхеннинг "Бавария" клуби Чемпионлар лигаси умумий босқичида 6та ўйин ўтказиб, очколарини 15тага етказиб олган ҳолда мусобақа жадвалида 2-ўринда бормоқда.