"У менга ҳатто илтимос ҳам қилмай қўйди" — Педри Ферран Торреснинг "шахсий ҳайдовчисига" айлангани ҳақида ҳазиллашди

Каталонияликлар юлдузлари "Antena 3" телеканалидаги "El Hormiguero" кўрсатувида меҳмон бўлишди.

"Мен худди Uber ҳайдовчисиман":

Педрининг сўзларига кўра, Торрес унинг хизматларига шунчалик ўрганиб қолганки, энди буни оддий ҳолдек қабул қилмоқда:

"Бу худди Uber чақиришга ўхшайди. У нонуштадан сўнг уйидан шунчалик хотиржам чиқиб келадики...

Ўтган куни кечаси, соат саккиз ёки тўққизлар атрофида у менга: "Мени соат нечада олиб кетасан?" деб ёзади. У ҳатто илтимос ҳам қилмай қўйган, "илтимос" сўзини ишлатмайди. Бир кун келиб у менга: "Мен билан гаплашма, фақат машинани ҳайда," деса ҳам ажабланмайман," — деди Педри кулиб.

Футболчилар ўртасидаги бундай дўстона ҳазиллар "Барселона" ичидаги муҳит анча илиқ эканлигидан далолат бермоқда.