U-19 Осиё чемпионатидаги рақибимизда мураббий истеъфога чиқди
13 окт 2020 14:17
Новости

U-19 Осиё чемпионатидаги рақибимизда мураббий истеъфога чиқди

Шу йилнинг 14-31 октябрь кунлари Ўзбекистонда U-19 Осиё чемпионати бўлиб ўтиши лозим эди.

Бироқ коронавирус сабаб мазкур мусобақа кечиктирилди ва қачон ўтказилиши ҳозирча номаълум. U-19 Осиё чемпионатидаги рақибимиз Эрон ёшлар термасида яна бош мураббий ўзгарди.

Шу йилнинг 27 июль куни Парвиз Мазлуми бош мураббий этиб тайинланганди, бироқ ушбу мутахассис Теҳроннинг "Истиқлол" клуби спорт директорлигига тайинлангани боис терма жамоадан истеъфога чиқди.

Энди U-19 жамоасини "Нафт Масжед" мураббийи Меҳди Тартар бошқариши кутилмоқда. Мураббий тез орада Эрон ФФ билан музокалар бошлаши мумкин.

Ўзбекистон ёшлар термаси U-19 Осиё чемпионати гуруҳ баҳсларини Эрон, Камбоджа ва Индонезияга қарши ўтказади.

Ссылка :

Источник : championat.asia

Получайте новости прямо в Telegram!

Рейтинг: +1