U-17 жаҳон чемпионати. Япония Голландияни йирик ҳисобда мағлуб этди
28 окт 2019 14:37
Новости

U-17 жаҳон чемпионати. Япония Голландияни йирик ҳисобда мағлуб этди

Бразилияда ўсмирлар ўртасида навбатдаги U-17 жаҳон чемпионати старт олгани ҳақида хабар бергандик.

Ушбу мусобақада 24 жамоа тўрттадан 6 гуруҳга бўлинган. Ҳар бир гуруҳдан 2та жамоа автоматик равишда кейинги босқичга йўл олади. Шунингдек, учинчи ўрин эгалари орасида энг яхши кўрсаткич қайд этган 4та жамоа ҳам чорак финалда ўйнайди.

"A" гуруҳи - Бразилия, Канада, Янги Зеландия, Ангола.

"B" гуруҳи - Нигерия, Венгрия, Эквадор, Австралия.

"C" гуруҳи - Жанубий Корея, Гаити, Франция, Чили.

"D" гуруҳи - АҚШ, Сенегал, Япония, Голландия.

"E" гуруҳи - Испания, Аргентина, Тожикистон, Камерун.

"F" гуруҳи - Соломон ороллари, Италия, Парагвай, Мексика.

Бугун "C" ва "D" гуруҳида 1-тур учрашувлари ўтказилди. Осиё номидан кичик мундиалда иштирок этаётган Жанубий Корея ва Япония U-17 терма жамоалари ўз иштирокларини ғалаба билан бошлашди.

Жанубий Корея ўсмирлар терма жамоаси Гаити устидан 2:1 ҳисобида зафар қучган бўлса, Япония илк турда Голландияга ҳеч қандай имконият қолдирмай 3:0 ҳисобида ғалаба қозонди. Бугун ўтказилган тўртта беллашувда қуйидаги натижалар қайд этилди:

Франция - Чили 2:0

Жанубий Корея - Гаити 2:1

АҚШ - Сенегал 1:4

Япония - Голландия 3:0

Осиё шарафини ҳимоя қилаётган яна бир жамоа Тожикистон U-17 эртага саҳарда (04:00) ўз ўйинини ўтказади. Тожикистонлик ўсмирлар 1-турда Камерунга қарши баҳс олиб боришади.

Ссылка :

Источник : championat.asia

Получайте новости прямо в Telegram!

Рейтинг: +15