Тони Кроос қачон фаолиятини якунлашини айтди

"2023 йил фаолиятимни якунлаш учун қулай фурсат. 33 ёшга кирган бўламан. Ҳозирча "Реал" билан шартномани узайтириш борасида бир қарорга келмадим.

Германия термасидагилардан норози эмасман. Аммо улар менинг 11 йиллик меҳнатимни қадрламаётгандек кўринди. Испанияда эса барчаси бошқача. Бу ердагилар менинг биринчи ўйинимданоқ доимо раҳмат айтишади", - деди Кроос.

31 ёшли футболчи ўтган мавсумда "Реал" таркибида 42 ўйинда қатнашиб, 3 гол ва 12 ассист қайд этди. Унинг клуби билан келишуви 2023 йил ёзига қадар давом этади.