Марушич: “Фаворитмиз? Бугун бир лаҳза ҳаммасини ҳал қилиб юбориши мумкин”

— “Пахтакор”нинг натижалари ажойиб. Ўтган ўйинда “Навбаҳор”га мағлуб бўлишгани ҳеч нарсани англатмайди.

— Эртага финал, "Пахтакор"га қарши муҳим ўйин. Умуман олганда, ўйинга тайёргарлик қандай ўтди?

— Ҳаммаси режадагидек бўлди. Чемпионатда учта ўйинда учта ғалабага эришган ҳолда яхши натижа қайд этдик. Суперкубок ўйинига яхши кайфият ва катта мақсадлар 

билан келдик. Эртага яхши ўйин кўрсатиб, Суперкубокни ютишдан умидвормиз.

— Кўпчилик эртанги ўйинда "Нефтчи" фаворит бўлишини тахмин қилмоқда. Хуллас, натижаларга қараймиз: учта ғалаба, "Пахтакор" эса охирги ўйинда 

“Навбаҳор"дан мағлуб бўлди. Сиз бу фикрга қанчалик қўшиласиз?

— Хўш, бу Суперкубок, бу битта ҳал қилувчи ўйин. Битта лаҳза бутун ўйинни ҳал қилиши мумкин. Хатоларга йўл қўймасликка ҳаракат қиламиз, бу бизнинг ютуғимиз бўлади. 

Бу ўйинни ютишга ҳаракат қиламиз ва охиригача ҳаракат қиламиз.

— Ўтган йили "Нефтчи" чемпионликни қўлга киритган бўлса-да, иккала ўйинда ҳам "Пахтакор"га мағлуб бўлгандингиз. Бу омил жамоага қанчалик таъсир қилиши мумкин ёки 

барибир ўтган ўйин каби унутиладими?

— Ўтган йили бўлган нарса ўтган йили қолади, чемпионлик ҳам ўтган йили қолди. Бу йилга ҳисобланмайди. Ўтган йилги чемпионликни оқлашимиз кераклигини 

кўрсатишимиз, исботлашимиз керак. Ўз ўйинимизни максимал даражада кўрсатамиз ва бу кубокни қўлга киритамиз.