Суперлига. 3-тур лауреатлари

Championat.asia тур баҳслари асосида тур лауреатларини аниқлади.

"Металлург" клуби бу турда ўз майдонида "Сурхон"ни меҳмон қилди ва 0:0 ҳисобида дуранг қайд этди. Ушбу дурангда бекободликлар посбони Александр Лобановнинг ҳиссаси жуда катта бўлди, у бир неча бор рақибга гол уришга тўсқинлик қилди. "Металлург" посбони Александр Лобанов championat.asia сайти талқинига кўра 3-турнинг энг яхши дарвозабони деб топилди.

"Олимпик" бу тур Тошкент дербисида амалдаги чемпион "Пахтакор" билан тўқнаш келди ва 1:1 ҳисобида дуранг ўйнади. Шу куни ёш олимпиячилар "шерлар"га қарши жуда яхши ўйнашди ва ижобий натижа қайд этишди. Шу боис Championat.asia сайти талқинига кўра, 3-турнинг энг яхши мураббийи Тимур Кападзе бўлди.

Бу турда "Навбаҳор" ярим ҳимоячиси Элгужа Григалашвили "Қўқон-1912" билан баҳсда ажойиб гол урди ва тур голи муаллифига айланди.  

Бу йил Ўзбекистонга қайтган ва "Навбаҳор"да ўйнай бошлаган Жамшид Искандеров "Қўқон-1912" билан баҳсда жуда фойдали ўйнади. Айнан унинг иккита узатмасидан кейин Элгужа ва Марушич рақиб дарвозасини ишғол қилишди. Шу тариқа, Жамшид Искандеров championat.asia талқинига кўра 3-турнинг энг яхши футболчиси деб топилди.

Ўзбекистон чемпионати турнир жадвали >>>>> Суперлига