Шота Арвеладзе уч ойлик фаолиятидан сўнг "Фатиҳ Карагумрук" бош мураббийлигидан кетди
11 мар 2024 11:29
Новости

Шота Арвеладзе уч ойлик фаолиятидан сўнг "Фатиҳ Карагумрук" бош мураббийлигидан кетди

"Пахтакор" клубидаги фаолияти орқали ўзбекистонлик мухлисларга яхши таниш бўлган Шота Арвеладзе Туркиянинг "Фатиҳ Карагумрук" клуби бош мураббийи лавозимини тарк этди.

Туркия чемпионатининг 29-турида “Трабзонспор”дан учралган мағлубиятдан сўнг (5:1) Арвеладзе истеъфога чиқарилди.

Грузиялик мутахассис бундан 3 ой олдин турк клубига бош мураббий этиб тайинланганди ва 17 учрашувда 6 марта ғалаба қозониб, 8 марта мағлуб бўлди ҳамда 3 учрашувда дуранг қайд этганди. Мураббий қўл остида бир муддат ўзбекистонлик ярим ҳимоячи Отабек Шукуров тўп тепди.

Шунингдек, Шота Арвеладзе “Карагумрук” билан Туркия кубоги 1/2 финал босқичига йўл олди.

Ссылка :

Источник : karagumruk.com

Получайте новости прямо в Telegram!

Рейтинг: +4