"Шериф" мураббийсиз қолди. Ҳаммасига МЮ айбдор
27 окт 2022 15:38
Новости

"Шериф" мураббийсиз қолди. Ҳаммасига МЮ айбдор

Европа Лигаси доирасидаги "Шериф" – "Манчестер Юнайтед" учрашувига бир кун қолганда Молдова клуби мураббийсиз қолди.

Тўрт ой олдин клуб бошқарувига келган Степан Томас Манчестерга учишидан бир неча соат олдин истеъфога чиқишини маълум қилди.

Бунга "Юнайтед"га қарши ўйин сабаб бўлган кўринади. "Шериф" мавсумда илк бор Молдова чемпионатида "Петрокуб"га 1:0 ҳисобида мағлуб бўлди ва Томас шундай деди: "Афтидан, футболчилар Манчестердаги ўйин ҳақида ўйлашган. Диққат-эътибор жамланмаганди – бу менинг хатом".

Қизиғи, "Шериф" "Петрокуб"дан олти очкога илгарилаб кетган ҳолда чемпионатдаги пешқадамликни давом эттирмоқда.

"Олд Траффорд"даги ўйинда клубни ким бошқариши ҳозирча аниқ эмас.

Эслатиб ўтамиз, учрашув бугун Тошкент вақти билан 23:59 да бошланади.

Ссылка :

Источник : moldfootball.com

Получайте новости прямо в Telegram!

Рейтинг: -3