Рўзиқул Бердиев: “Ҳозирги таркибимиз билан Эрон чемпионига қарши бундан ортиғига қодир эмасмиз”
03 апр 2018 00:06
Новости

Рўзиқул Бердиев: “Ҳозирги таркибимиз билан Эрон чемпионига қарши бундан ортиғига қодир эмасмиз”

“Насаф” – “Персеполис” учрашувидан (0:0) кейинги матбуот анжуманининг иккинчи қисмида мезбонлар устози Рўзиқул БЕРДИЕВ ҳамда учрашувнинг энг яхши ўйинчиси Одилжон ҲАМРОБЕКОВ иштирок этишди.

-Ҳозирги таркибимиз билан Эрон чемпионига қарши бундан ортиқ ўйин кўрсата олмас эдик. Рақибимиз қандай кучга эга эканлигига барча гувоҳ бўлди. Бугун ғалаба учун майдонга тушган эдик. Аммо мақсадимизга эриша олмадик. Йигитларимиз қўлларидан келганича ўйнашди. Уларга бугунги ўйинлари учун ўз миннатдорчилигимни билдираман.

ОдилжонҲамробеков: - Бугунги учрашувда бизни яқиндан қўллаб-қувватлаган мухлисларга ҳамда жамоадошларимнинг бугунги учрашувда кўрсатган ўйинлари учун ташаккур айтмоқчиман. Биз тез-тез ўйин ўтказаяпмиз, албатта бу орқали чарчоқ ҳам бугун сезилиб қолди. Аммо биз имкон даражасида ўйнадик.