Роналду "Ал-Насср" ҳақида: "Бу фаолиятимнинг якунланиши эмас. Одамлар маҳаллий чемпионат қанчалик кучли эканлигини билишмайди"

"Ал-Насср" клуби футболчиси Криштиану Роналду ушбу клубга ўтиши фаолиятининг якуни эмаслиги, Саудия Арабистони чемпионати жуда кучли эканлигини таъкидлади.

"Мен учун бу ерга келиш – фаолиятимнинг якунланиши эмас. Айнан шунинг учун ҳам фаолиятимда ўзгариш қилмоқдаман. Тўғрисини айтсам, одамлар нима дейишининг менга умуман қизиғи йўқ. Қарор қабул қилдим ва бу қарорга жавоб бераман.

Биламан, маҳаллий чемпионат жуда рақобатга бой. Одамлар буни шунчаки билишмайди. Мен эса жуда кўп ўйинларни томоша қилдим. Индинга майдонга тушишни интиқлик билан кутмоқдаман. Агар мураббий мени тайёр деб ҳисобласа, албатта. Одамлар билан мулоқотдан ва футбол ўйнашдан завқланишни истайман", -дейди Криштиану Роналду.