“Реал”да Упамеканони қўлга киритиш учун яхши имконият бор

21 ёшли франциялик футболчи Германия клуби билан шартномасини узайтирмоқчи эмас ва мавсум якунлангач у янги жамога тўп тепишни истамоқда.

As хабарига кўра, қироллик клубида ушбу футболчини қўлга киритиш учун имконият кўпроқ. Чунки айнан Упамеканонинг агенти  мадридликлар ярим ҳимоячиси Тони Кроснинг агентлик ишлари билан ҳам шуғулланади.

Шунингдек,  Упамеканога “Реал” у қадар катта маош бермоқчи эмас. Мадридликлар француз футболчисига йилига 2 миллион евродан кўпроқ маош тўлаш ниятида.

Футболчининг “Лейпциг” билан келишуви 2021 йилнинг ёзига қадар мўлжалланган.

Упамеканонинг хизматларига шунингдек, “Манчестер Сити”, “Ливерпуль”, “Барселона” ва “Милан” ҳам қизиқаётганлиги ҳақида хабарлар тарқатилганди.