"Реал" Моуринью билан боғланди
23 окт 2018 19:15
Новости

"Реал" Моуринью билан боғланди

"Реал" раҳбарияти жамоа собиқ устози Жозе Моуриньюни қайтариш ҳақида ўйлаб қолди.

Маълумотларга кўра, "Реал" португалиялик билан уни қайтариш борасида боғланган. Буни "Қироллик клуби" вице-президенти Хосе Анхель Санчес хоҳламоқда.

Моуриньюнинг "Манчестер Юнайтед"даги ҳолати оғир ва у истеъфога чиқиши мумкин. Мутахассис клубини ўз хоҳиши билан тарк этмоқчи эмас, акс ҳолда у 30 млн евродан қуруқ қолади.

Португалияликнинг шартномаси МЮ томонидан бекор қилинса, мураббий 60 млн евро (Моуриньюнинг битим охиригача оладиган пули) олади. Агар ўзи клубдан кетса, бор-йўғи 30 млн евро билан жамоани тарк этади.

"Реал"ни бошқариш учун асосий номзодлар Антонио Конте ва Жозе Моуринью. Ёзда Серхио Рамос Контега қарши чиқиб, жамоага Хулен Лопетеги кераклигини айтган эди.

Раҳбарият бу сафар футболчилар билан ҳисоблашмоқчи эмас. Хулен Лопетеги клубни тарк этса, "Кастилья" устози Сантьяго Солари жамоани вақтинча бошқариб туриши мумкин.

Ссылка :

Источник : El Pais

Получайте новости прямо в Telegram!

Рейтинг: +6