Равшан Ҳайдаров: "Бу унвон бизга куч-ғайрат бағишлайди"
28 авг 2020 14:09
Новости

Равшан Ҳайдаров: "Бу унвон бизга куч-ғайрат бағишлайди"

Хабарингиз бор, кеча Ўзбекистон Ўзбекистон Республикаси Президентининг тегишли фармонига мувофиқ Ўзбекистон U23 терма жамоаси бош мураббийи Равшан Ҳайдаров “Ўзбекистон Республикасида хизмат кўрсатган спорт устози” фахрий унвони билан тақдирланиши эълон қилинди.

Ушбу қувончли хабардан сўнг, Равшан Ҳайдаров ўз фикрларини билдирди.

- Авваламбор, ватанимиз Мустақиллик байрами арафасида Президентимиз камтарона хизматларимни эътироф этиб, фахрий унвон билан тақдирлаганлари учун юртбошимизга ўз миннатдорчилигимни билдираман.

Мазкур унвон – улкан ишонч ва масъулият деганидир. Бу халқаро майдонларда ватанимиз шаънини муносиб ҳимоя қилиш, ўзбек спорти обрўсини юқори чўққиларга олиб чиқишга туртки бўлади.

Шунингдек, ушбу унвон ёш авлодни ватанга садоқат, она-юртга муҳаббат ҳисси билан тарбиялашда, уларни кучли ва истеъдодли футболчи бўлиб етишишида янада кўпроқ меҳнат қилишимизга куч-ғайрат бағишлайди.

Халқимизни мамлакатимиз истиқлолининг шонли санаси билан табриклайман. Мустақиллигимиз абадий бўлсин!", - дейди Равшан Ҳайдаров.

Ссылка :

Источник : ЎФА матбуот хизмати

Получайте новости прямо в Telegram!

Рейтинг: +3