Қашқадарё футбол академиясида байрам тадбири ўтказилди

Дастлаб, тадбирни  Қашқадарё вилояти болалар-ўсмирлар футбол академияси (футбол маҳорат мактаби)нинг директори,  “Ўзбекистонда ҳизмат кўрсатган ёшлар мураббий”си  Н. Султонов очиб берди, ҳамда тадбир қатнашчиларини Ўзбекистон Республикаси “Давлат тили ҳақида”ги Қонун қабул қилинганлигининг 31 йиллиги муносабати билан самимий муборакбод этди. 

Ушбу байрам тадбирига Қарши Давлат Университетининг Филалогия факультети  Ўзбек тил ва адабиёти кафедраси катта ўқитувчиси Филалогия фанлари бўйича фалсафа доктори, Дилдор Базарова  ҳамда Қашқадарё воҳасининг севимли ижодкори, шоири Турди Ҳайдарлар иштирок этди. Улар ўз сўзларида ҳар қайси халқ ёки миллатнинг маънавиятини, унинг тарихи, ўзига ҳос урф-одат ва анъаналари, тили, маданияти ва қадриятларидан айри ҳолатда тасаввур қилиб бўлмаслигини айтиб, улуғ мутаффакир шоиримиз хазрат Алишер Навоийнинг ўзбек халқи маънавий дунёси, тилининг шаклланиб ривож топишида ҳизматлари беқиёс бўлганлигини айтиб ўтишди. Шунингдек, байрам тадбирига ташриф буюрган Қарши шаҳар “Боғишамол”МФЙ раиси Мастура Тўхтаева  ҳам сўз олиб, йиғилганларга халқимизнинг севимли шоири Абдулла Ориповнинг “Она тилим” шеърини айтиб берди.  

Тадбир сўнгида  Қашқадарё вилояти болалар-ўсмирлар футбол академияси (футбол маҳорат мактаби)нинг маънавий-маърифий ишлари бўйича директор ўринбосари Шавкат Рўзиев  Муҳтарам Президентимиз томонидан  “Мамлакатимизда Ўзбек тилини янада ривожлантириш ва тил сиёсатини такомиллаштириш чора-тадбирлари тўғрисида” ги Фармонининг мазмун-моҳияти ҳақида сўз юритди. Спортчи-ўқувчиларнинг ўзбек тили ҳақидаги айтган шеърлари барчага бирдек манзур бўлди.

Илҳом РАҲМОНОВ тайёрлади