"Пахтакор" ярим ҳимоячиси ва Абрамов "Бухоро"да

Навбатдаги йиғин эса 3 февралдан бошлаб Тошкентда давом эттирилмоқда. Бухороликлар бу сафар 15 февралга қадар пойтахтда машғулотлар олиб боришади.

Куни кеча жамоа футболчилари Республика илмий-амалий спорт тиббиёт марказида тиббий кўрикдан ўтишди. Жамоа сафига охирги мавсумларни “Пахтакор” жамоасида ўтказган ярим ҳимоячи Достон Иброҳимов келиб кўшилди. Бундан ташқари "Бухоро" йиғинига уч нафар россиялик легионер футболчилар келиб қўшилишди. Булар марказий ҳимоячи Азамат Дзоблаев, ўнг қанот ярим ҳимоячиси Николай Абрамов ва ҳимоячи Артём Кулеша. Бу футболчилар ҳозирча "Бухоро" сафида кўрикдан ўтишади. Агар уларнинг ҳаракатлари мураббийлар штабига мақул келса, бу футболчилар мавсумни жамоа сафида ўтказиши мумкин.

Йиғин давомида бир неча назорат ўйинлари ўтказиш режалаштирилган. Жумладан, бугун “Андижон”, 9 февраль куни “Бунёдкор” ва 12 февраль куни “Динамо”га қарши майдонга тушилади.