Ўзбекистон ОТЖнинг рақибларидан бири Тошкентга келмайдиган бўлди
06 мар 2019 15:28
Новости

Ўзбекистон ОТЖнинг рақибларидан бири Тошкентга келмайдиган бўлди

Покистон олимпия терма жамоаси (U-23) Осиё Чемпионати-2020 саралашида қатнашишдан бош тортди.

Ушбу саралаш ўйинлари 22-26 март кунлари Тошкент шаҳрида бўлиб ўтади.

Шу тариқа «F» саралаш гуруҳида 3та жамоа қолди. Булар Ўзбекистон, Тожикистон ва Ҳиндистон. Бу гуруҳдаги учала ўйин ҳам «Пахтакор» стадионида ўтказилади.

11та саралаш гуруҳи ғолиблари ва 4та гуруҳда энг яхши натижага эга иккинчи ўрин соҳиблари 2020 йил Таиландда ўтадиган Осиё чемпионатига йўлланмани қўлга киритишади. Қитъа чемпионати 8-26 январь кунлари бўлиб ўтади.

Агарда Осиё чемпионати мезбони Таиланд олимпия терма жамоаси саралаш босқичи муваффақиятли иштирок этса, у ҳолда яна бир иккинчи ўринни олган жамоа финал босқчига чиқади.

Осиё чемпионати-2020да совриндор бўладиган 3та жамоа эса Токиода ўтадиган Олимпиадага йўлланмани қўлга киритади.