Ўйин вақтида Блиндга ўрнатилган аппарат ишламай қолди

Учрашувнинг 79-дақиқасида нидерландиялик ҳимоячи Дэйли Блинд майдонга йиқилди. Ётган жойида у бир неча марта жуда қаттиқ бақирган ва кўкрагини ушлаб ётган. Қайд этилишича, футболчига ўрнатилган юрак уришини назорат қилувчи кардиовертер-дефибриллятор ишламай қолган.

Қувонарли томони шундаки, Блинд тезда ўзига келди ва майдонни ўзи тарк этди. Ўйиндан кейинги матбуот анжуманида Эрик тен Хаг хавотирга ўрин йўқлигини, футболчининг ҳаётига ҳеч нима таъсир ўтказмаётганлигини айтиб ўтди.