"Насаф" мухлисларга 3 та соврин билан суратга тушиш имконини яратди
23 мая 19:11
Новости

"Насаф" мухлисларга 3 та соврин билан суратга тушиш имконини яратди

Қаршининг "Насаф" клуби ОКМКга қарши баҳс олдидан мухлисларга ажойиб туҳфа тақдим этди.

Клуб "Марказий" стадионига ўзи қўлга киритган совринлар – Суперлига, Ўзбекистон Кубоги ва Суперкубок титулларини ўрнатиб, махсус фотозона ташкил қилди ва бу орқали мухлисларга фотосессия уюштириш имкониятини яратиб берди.

Бугун Қаршида футбол муҳити ҳукм сурмоқда. Жамоа Суперлига 11-туридан ўрин олган марказий беллашувда ОКМКни меҳмон қилади. Олмалиқликлар ўз анъанасига мувофиқ учрашув бошланишидан 2 соат олдин аренага етиб келди. Мезбон "Насаф" эса ўйинга 1 соат-у 10 дақиқа олдин "Марказий"да ҳозир бўлди.