"Наполи" "Реал" футболчисини ижарага олиш имконияти билан қизиқди, аммо рад жавобини олди

"Қаймоқранглилар" бу вариантни истисно қилди, чунки клуб аргентиналик футболчининг салоҳиятига ишонади. "Реал" Мастантуонони жамоанинг узоқ муддатли лойиҳасида муҳим ўйинчи деб ҳисоблайди.

Франко Мастантуоно "Реал"га август ойида "Ривер Плейт"дан 45 миллион евро эвазига ўтган.

Ноябрь ойи бошидан у чов жароҳати сабаб жароҳатланганлар сафида бўлди. Бир ой ўтгач, у таркибга қайтди, аммо ўйин амалиёти сезиларли даражада камайди.

18 ёшли аргентиналик жами ҳисобда 14 ўйин ўтказиб, 1 та гол ва 1 та ассист қайд этган.

"Наполи" А Серияда учинчи ўринда, "Реал" эса Примерада иккинчи поғонада бормоқда. Неаполитанликлар навбатдаги ўйинни 4 январь куни "Лацио"га қарши ўтказади, "қаймоқранглилар" эса ўша куни "Бетис" билан баҳс олиб боради.