Мексика термаси футболчисига Испания клуби даъвогар
03 дек 2022 18:40
Новости

Мексика термаси футболчисига Испания клуби даъвогар

Мексика терма жамоаси футболчиси Сесар Монтесга Испаниянинг "Эспаньол"идан катта қизиқиш бўлмоқда.

Қатардаги Жаҳон чемпионати ўз меваларини беришда давом этмоқда. Ҳал қилувчи босқичларга кириб бораётган мундиалдан сўнг айрим футболчиларнинг нархлари кескин ошади, баъзилари эса маҳаллий чемпионатлардан кучли лигаларга йўл олишади.

25 ёшли футболчига эгалик қилаётган "Монтеррей" Монтесни сотиб юборишга тайёр. Каталония клуби ёзда ҳам уни харид қилишни муҳокама қилган бўлса-да, энди унинг ЖЧ-2022даги ҳаракатлари учун нархи бироз ортиши тайин. Аввалроқ унга 3 млн евро белгилашган эди.

Мексика терма жамоаси Қатардаги чемпионатни гуруҳ босқичида якунлади. Сесар Монтес Шимолий Америка вакилининг уччала ўйинида ҳам асосий таркибда майдонда ҳаракатланди.

Ссылка :

Источник : Mundo Deportivo

Получайте новости прямо в Telegram!

Рейтинг: +1