Манба: Бенземани Саудия Арабистонидан келган таклиф қизиқтириб қўйди

Карим Бензема Саудия Арабистони ҳукумати таклифини қабул қилиб, маҳаллий футбол лигасига ўтиш ҳақида жиддий ўйламоқда, деб хабар берди "Relevo". Амалдаги "Олтин тўп" соҳиби, агар 2009 йилдан бери ўйнаб келаётган "Реал"ни тарк этишга рози бўлса, кейинги икки мавсумда 200 миллион евро ишлаб олиши мумкин.

Тахминларга кўра, мадридликлар Бензема билан шартномани автоматик равишда 2023/2024 йилги мавсум охиригача узайтирган. Бироқ футболчига яқин манбаларнинг хабар беришича, Карим сўнгги ҳафталарда ўзини четга суриб, ўйчан бўлиб қолган, клубнинг айрим ишларига эътибор бермай қўйган.