Малайзия U-23 термаси бош мураббийи: "Бу турнир биз учун осон бўлмаслигини тушуниб турибмиз"
01 июн 2022 13:47
Новости

Малайзия U-23 термаси бош мураббийи: "Бу турнир биз учун осон бўлмаслигини тушуниб турибмиз"

Мамлакатимиз мезбонлик қилаётган U-23 Осиё Кубогининг 1-туридан ўрин олган Жанубий Корея - Малайзия учрашуви олдидан матбуот анжумани ўтказилди.

Матбуот анжуманида Малайзия U-23 термаси бош мураббийи Бред Мелоней ва жамоа сардори Куэнтин Ченг қатнашди.

- Мусобақа ва тайёргарлик ҳақида...

- Ҳаммага хайрли кун. Биз бу турнирга етиб келганимиздан хурсандмиз. Бизни олдинда Жанубий Корея, Вьетнам ва Таиланд каби жиддий рақиблар кутиб турибди. Бу мусобақага тайёргарликдан кўнглим тўлди дея оламан. Бу турнир биз учун осон бўлмайди.

- Рақибингиз Жанубий Корея ҳақида нима дея оласиз?

- Жанубий Корея дунёнинг топ жамоаларидан бири ва топ футболчиларига эга жамоа. Бу жамоа доим чемпионликка даъвогар ҳисобланади. Биз уларни ҳурмат қиламиз.

- Жамоа сардори Куэнтин Ченгга савол. Бу турнирга тайёргарлигингиз ва бу мусобақадан нималарни кутяпсиз?

- Бу турнир биз учун осон бўлмаслигини тушуниб турибмиз, аммо кучли тайёргарлик кўрганмиз. Бу ерга биз икки кун олдин етиб келдик. Икки-уч марта Малайзияда ва яна икки марта Ўзбекистонда машғулот ўтказдик. Ўйламанки, биз тайёрмиз.