Макси Гомес рақибининг юзига тепгани учун четлатилди
07 окт 2022 21:30
Новости

Макси Гомес рақибининг юзига тепгани учун четлатилди

"Трабзонспор" ҳужумчиси Макси Гомес "Монако" азоси Камаранинг юзидан тепгани учун унга тўғридан-тўғри қизил карточка кўрсатилди.

Турк клуби 11-дақиқадаёқ майдонда 10 киши бўлиб қолди. Тўқнашувдан кейин ҳакам ВАРга мурожаат қилди ҳамда Гомесга қизил карточка кўрсатди.

Бу "Трабзонспор"га қимматга тушди — орадан атиги 3 дақиқа ўтгач, "Монако" футболчиси Бен Йеддер ҳисобни очди.

Биринчи бўлимда Бен Йеддер пенальтидан тўп киритиб, дублга эриштирди.

Аксел Дисаси эса 55-дақиқада Филиппе Клемент шогирдларининг ғалабасини таъминлади. "Трабзонспор"дан эса Бакасетас жамоасининг ягона голини 72-дақиқада урди.

Шу тариқа, ўйин 3:1 ҳисобида якунланди.