"Локомотив" - "Ал Райан" баҳсини хитойлик ҳакамлар бошқаради
18 мая 2019 18:21
Новости

"Локомотив" - "Ал Райан" баҳсини хитойлик ҳакамлар бошқаради

"Локомотив" 21 май куни ОЧЛ гуруҳ босқичи 6-тур учрашувини ўтказади.

Шу куни "темирйўлчилар" ўз уйларида Қатарнинг "Ал Райан" клубини қабул қилишади. Ушбу баҳсни хитойлик ҳакамлар бригадаси бошқариб боради. Бош ҳакам - Ма Нинг. Унга қанотларда Сао Йи ва Ши Сианг ёрдам беришади.

Маълумот учун, ушбу ҳакам ОЧЛда "Локомотив" иштирокидаги ўйинни иккинчи марта бошқаради. Биринчиси 2015 йил рўй берган бўлиб, ўшанда "Локо" сафарда Эроннинг "Фулад" клуби меҳмони бўлганди.

Эслатиб ўтамиз, "Локомотив" - "Ал Райан" баҳси 21 май куни соат 19:00да старт олади. Ўйиндан бир кун олдин эса (20 май) одатга кўра матбуот анжумани ташкил этилади. Матбуот анжумани "Локомотив" стадионида 12:00да бошланади. Дастлаб меҳмон жамоа бош мураббийи, шундан сўнг "Локомотив" устози саволларига жавоб қайтаради.

Ссылка :

Источник : lokomotiv.uz

Получайте новости прямо в Telegram!

Рейтинг: -4