"Лаънати шармандалик!" — "Реал" вингери Мастантуоно ҳакамга айтган сўзлари учун 2 та ўйинга четлатилди

Нима содир бўлган эди?

Эслатиб ўтамиз, учрашувнинг сўнгги дақиқаларида аргентиналик футболчи бош ҳакам Алехандро Муньиснинг қарорларига кескин эътироз билдирган. Мастантуоно ҳакамга қарата бир неча бор:

"Бу қандай шармандалик, қандай лаънати шармандалик!" деган сўзларни ишлатгани учун тўғридан-тўғри қизил карточка олиб, майдондан четлатилган эди.

Тартиб-интизом қўмитасининг қарори:

Испания Қироллик футбол федерацияси (RFEF) Тартиб-интизом қўмитаси вазиятни кўриб чиқиб, аргентиналик футболчини иккита ўйинга дисквалификация қилиш бўйича қарор чиқарди.

Бундан ташқари, "Реал"нинг яна икки ҳимоячиси — Дин Хейсен ва Альваро Каррерас ҳам сариқ карточкалар лимити тўлгани сабабли бир ўйинга четлатилди.

Шу тариқа, ушбу уччала футболчи ҳам 6 март куни "Сельта"га қарши сафар ўйинини ўтказиб юборади. Франко Мастантуоно эса 14 март куни "Эльче" билан бўлиб ўтадиган уй учрашувида ҳам жамоасига ёрдам бера олмайди.