Ла Лига. Голларга бой ўтган Мадрид дербисида "Реал" "Атлетико"ни мағлуб этди

Ла Лига. "Реал Мадрид" – "Атлетико Мадрид" 3:2

Голлар: 33 - Адемола Лукман, 52, 72 - Винисиус Жуниор, 55 - Федерико Вальверде, 66 - Науэль Молина

"Реал Мадрид": 13. Андрей Лунин, 2. Даниэль Карвахаль (12. Трент Александер-Арнольд, 64'), 22. Антонио Рюдигер, 14. Орельен Чуамени, 24. Дин Хёйсен, 20. Франсиско Гарсия, 45. Тьяго Питарч (10. Килиан Мбаппе, 63'), 8. Федерико Вальверде, 7. Винисиус Жуниор (18. Альваро Фернандес, 87'), 15. Арда Гюлер (5. Жуд Беллингем, 74'), 21. Браим Диас (6. Эдуарду Камавинга, 74').

Захира: 26. Фран Гонсалес, 43. Серхио Местре, 4. Давид Алаба, 27. Диего Агуадо, 30. Франко Мастантуоно, 37. Мануэль Моран, 16. Гонсало Гарсия.

"Атлетико Мадрид": 1. Хуан Муссо, 24. Робен Ле Норман (2. Хосе Хименес, 46'), 17. Давид Ганцко, 3. Маттео Ружери, 6. Коке, 14. Маркос Льоренте, 5. Жонни Кардозо (23. Николас Гонсалес, 57'), 20. Жулиано Симеоне (10. Алекс Баэна, 71'), 22. Адемола Лукман (16. Науэль Молина, 57'), 19. Хулиан Альварес, 7. Антуан Гризманн (9. Александр Сёрлот, 57').

Захира: 31. Сальви Эскивель, 33. Марио де Луис, 15. Клеман Лангле, 34. Хулио Диас, 11. Тьяго Альмада, 21. Обед Варгас.

Огоҳлантиришлар: 27 - Жонни Кардозо, 36 - Маттео Ружери, 61 - Давид Ганцко, 63 - Тьяго Питарч, 68 - Маркос Льоренте

Четлатиш: 77 - Федерико Вальверде

90+6. Ўйин якунланди!

90+6. Баэнанинг узоқдан тепган тўпини Лунин ушлади!

90+3. Сёрлот боши билан дарвозага аниқ зарба берди, Лунин ушлаб олди!

90. Ўйиннинг асосий вақтига 6 дақиқа қўшиб берилди.

83. Трент бурчакка яқин жарима зарбасидан тўпни дарвозага тепди, Муссо қайтарди!

81. Хименесдан кучли зарба! Тўп дарвоза устунига тегиб қайтди!

79. Йўқ, ВАРда кўрилмабди, ўйин давом этади, қизил кучида қолди.

78. Стоп, ҳолат ВАРда кўрилмоқда.

77. Даҳшат! Вальвердега қизил карточка кўрсатилди!

74. Беллингем жароҳатдан кейин илк бор майдонга тушди.

73. Зўр футбол кўряпмиз, дўстлар. Темп юқори, голлар чиройли.

72. ГОЛ! Винисиусдан дубль! Бразилиялик жарима майдончаси ташқарисидан зарба берди ва ажойиб гол урди!

67. Ҳисоб яна тенглашди, бу сафар захирадан тушган янги кучлар бор.

66. ГОЛ! Молинадан супер гол! Науэлнинг қарийб 25 метрлардан тепган тўпи дарвоза тўридан жой олди! 

66. Учрашувни стадиондан туриб 77 964 нафар мухлис кузатиб бормоқда экан.

65. Хулиандан навбатдаги зарба, бу сафар ноаниқ бўлди.

62. Вальверденинг ерлатиб берган зарбаси аниқ бўлди, бироқ кучсиз.

60. Алвареснинг зарбасини Лунин ушлаб олди.

60. Лунин тўпни узатишда хатога йўл қўйди, тўп "Атлетико" футболчига келиб тушган паллада Чуамени орқадан келиб, хавфли вазият бўлишининг олдини олди.

58. Меҳмонлар ўзгаришлардан сўнг олдинга юриш қилмоқда.

56. Қойил "Реал"га, тўрт дақиқада иккита гол урди, "Атлетико" энди эътиборни кўпроқ ҳужумга берса керак.

55. ГОЛ! Вальверде ҳисобни оширди! "Атлетико"дан битта хато, Феде тўпни олиб қўйди ва дарвозани ишғол қилди.

53. Барчаси яна қайтадан бошланадими ёки жамоалар бир очкога розимикин? 

52. ГОЛ! Винисиус пенальтини аниқ амалга ошириб, ҳисобни тенглаштирди!

50. Пенальти "Атлетико" дарвозасига! Браим Диас йиқитилди, бош ҳакам 11 метрлик нуқтани кўрсатди!

46. Иккинчи бўлим бошланди.

Дастлабки бўлимдан кейинги статистика:

Тўп назорати - 65% - 35%

Дарвоза томон зарбалар - 10 - 5

Аниқ зарбалар - 5 - 3

Бурчак зарбалар - 3 - 0

Узатмалар аниқлиги - 94% - 92%

Сейвлар - 0 - 3

45+2. Бўлим якунланди, 0:1, "Атлетико" олдинда.

45. Биринчи бўлимга 2 дақиқа қўшиб берилди.

44. Гюлернинг кучли зарбаси аниқ бўлди, Муссо қайтариб юборди.

42. Чуаменининг бош билан берган зарбаси бироз ноаниқ бўлди...

37. Майдон эгалари бир нечта яхши ҳужумларни амалга оширди, аммо "Атлетико" ҳимояси ҳозирча яхши ўйнамоқда.

34. "Реал" жазоланди, энди баҳс янада қизийдиган бўляпти.

33. ГОЛ! Лукман ҳисобни очди! Адемола ўзи шеригинии олдинга бошлади, Симеоне тўпни қайтарди ва Лукман қулай вазиятда гол урди!

33. Феде жарима майдончасига кириб бориб тўпни марказга узатди, бироқ тўпни шунчаки бўш дарвозага киритиб қўядиган футболчи йўқ...

29. Вальверде жарима зарбасидан ерлатиб тўпни тепди,  Муссо ушлаб олди.

24. Навбатдаги зарба бўлди Винидан, бу сафаргиси анчагина ноаниқ экан.

22. Чуаменининг зарбаси Кокега тегиб майдонни тарк этди.

20. Юқори темп билан бошланган ўйин бироз сокинлашди.

14. Арда Гюлернинг сапчитиб тепган зарбаси ноаниқ бўлди...

9. Даҳшат вазият Льорентедан! Қулай вазиятдан зарба берди, Лунин ушлаб олди!

8. Вальверде худди "Сити"га урган голини эслатувчи ҳаракатлари билан олдинга ўтиб, зарба берди, дарвоза устуни қайтармоқда!!!

2. Дастлабки дақиқалардан меҳмонлар фаол.

1. Ўйин бошланди!

- Ассалому алайку қадрли футбол ихлосмандлари! Сизларни Испания чемпионати 29-туридан ўрин олган марказий учрашувнинг матнли трансляциясини кузатиб боришга таклиф этамиз!