Коронавирус билан касалланган Роналду “Барселона”га қарши ўйинни ўтказиб юборадими?

Роналду Миллатлар Лигаси 4-тури доирасида ўтадиган Швецияга қарши ўйинда қатнашолмаслиги аниқ бўлди. Шунингдек, 35 ёшли форвард “Ювентус” сафида “Кротоне” (А Серия, 17 октябр) ва “Динамо К” (ЕЧЛ, 20 октябр) билан баҳсларни ҳам ўтказиб юбориши айтилмоқда.

Яқинда Италия илмий-техник қўмитаси карантин муддатини 14 кундан 10 кунгача қисқартириши тўғрисида қарор қабул қилди ва бунинг учун коронавирус тести салбий чиқиши кифоя қилади. 

Демак, Роналду ўн кунлик карантиндан сўнг вирусдан тўлиқ фориғ бўлса, “Верона” (А Серия, 25 октябр) ҳамда кўпчилик кутаётган “Барселона”га (ЕЧЛ, 28 октябр) қарши ўтадиган учрашувларгача сафга қайтиши мумкин.