Жамшид Саидов: “Йигитларга характер учун миннатдорчилик билдираман”
19 сен 23:22
Новости

Жамшид Саидов: “Йигитларга характер учун миннатдорчилик билдираман”

Суперлиганинг 19-туридан ўрин олган “Нефтчи” - “Қизилқум” (2:2) учрашувидан сўнг меҳмонлар бош мураббийи Жамшид Саидов ўз фикрларини билдириб ўтди.

“Учрашувнинг дастлабки қисмини яхши бошлай олмадик. Ўз дарвозамиздан 2 та тўп олиб чиққанимиздан сўнг йигитлар вазиятни тўғрилай олишди. Ўйинимиз жонланди ва шунинг натижасида ҳисобни қисқартиришга эришдик.

Биринчи бўлимдан сўнг йигитларга тегишли кўрсатмаларни бердик. Иккинчи бўлимда ўйинимиздаги фаоллик ошди, шунингдек захирадан қатор янги кучларни майдонга ташладик.

Албатта 2 та тўп фарқи билан ортда бораётиб, якунда дуранг қайд эта олсангиз, бу яхши натижа ҳисобланади. Йигитлар бугун кўрсатмаларни яхши бажаришди ва вазиятни бизнинг фойдамизга тўғрилай олишди. Мағлубиятдан чиқиб кетдик, характер учун футболчиларимизга миннатдорчилик билдираман”, - дейди навоийликлар устози.

Ссылка :

Источник : championat.asia

Получайте новости прямо в Telegram!

Рейтинг: +1