Ихор Корсун: "Турнир давомида бизни қўллаб-қувватлаб турган ўзбекистонлик ва қозоғистонлик мухлисларга миннатдорчилик билдираман"
07 окт 19:00
Новости

Ихор Корсун: "Турнир давомида бизни қўллаб-қувватлаб турган ўзбекистонлик ва қозоғистонлик мухлисларга миннатдорчилик билдираман"

Футзал бўйича жаҳон чемпионати 3-ўрин учун Францияга қарши ўйиндан сўнг (7:1) Украина терма жамоаси аъзоси Ихор Корсун сайтимизга интервью берди.

"Францияга қарши ўйинда ғалаба қозониб, бронза медалларини қўлга киритганимиздан хурсандман. Бу Украина учун тарихий натижа ҳисобланади.
Учинчи ўрин учун ўйиндаги ғалаба қадрлироқми ёки финалдаги мағлубият? Қийин савол. Финалда иштирок этишни ҳам хоҳлардим, лекин бугун ғалаба қозонганимиздан кўпроқ хурсандман.
Жаҳон чемпионатида барча ўйин қийин ўтди. Совриндорлар қаторидан ўрин олишимизда мухлисларимизнинг ўрни ҳам беқиёс. Қолаверса, турнир давомида бизни қўллаб-қувватлаб турган ўзбекистонлик ва қозоғистонлик томошабинларга ҳам миннатдорчилик билдираман", деди Корсун.