Суперлига. Салкам 20 минг томошабин йиғилган ўйинда "Навбаҳор"нинг қўли баланд келди

Суперлига

18-тур

"Андижон" – "Навбаҳор" 0:1 

Андижон. "Бобур Арена". 19:00

Гол: Руслан Жиянов (Муҳаммадали Ғиёсов) 89'

Бош ҳакам: Ахрол Рисқуллаев

Ёрдамчи ҳакамлар: Шерзод Аъзамов, Сардор Ҳакимов

Захира ҳаками: Нурбек Шералиев

Назоратчи: Бахтиёр Намозов

VAR: Абдурашид Худойберганов

AVAR: Андрей Цапенко

"Андижон": 31.Эржан Токотаев, 3.Суннатиллоҳ Ҳамиджонов, 8.Шаҳзод Азмиддинов, 9.Саидумархон Саиднуруллаев, 11.Отабек Жўрақўзиев (10.Илҳом Абдуғаниев, 78), 13.Сардор Азимов, 18.Дамир Темиров (7.Исмоил Акинаде, 67), 23.Дониёр Абдуманнопов, 26.Муҳаммадкарим Тоиров, 27.Кристиан Новак, 71.Бектемир Абдуманнонов (99.Муҳаммадали Усмонов, 78).

Захира: 1.Элдор Адҳамов, 4.Исломбек Маматказин, 6.Алтин Крезиу, 14.Абдураҳмон Комилов, 17.Фарходжон Соҳибжонов, 22.Усмонали Исмоналиев.

"Навбаҳор": 16.Шукрон Йўлдошев, 5.Жулио Сезар, 9.Забиҳилло Ўринбоев (29.Педро Карвальо, 75), 11.Муҳаммадали Ғиёсов, 14.Жамшид Болтабоев, 17.Русланбек Жиянов, 19.Мирзоҳид Ғофуров (33.Жалолиддин Содиқов, 67), 32.Муҳаммадбобур Мўйдинов (12.Саидазамат Мирсаидов, 86), 36.Гильерме Гедеш, 70.Аббосжон Ғуломов (8.Шоҳмалик Комилов, 86), 99.Игор Габриэл.

Захира: 1.Умиджон Эргашев, 7.Азим Аҳмедов, 15.Жавоҳир Абдужабборов, 22.Асадбек Жўрабоев, 55.Комилжон Тожиддинов.

Огоҳлантиришлар: Шаҳзод Азмиддинов (40), Мирзоҳид Ғофуров (51).

УЧРАШУВ ЯКУНЛАНДИ! 

90+4. "Андижон"нинг ҳужумларидан самара чиқмаяпти. 

90. Иккинчи таймнинг асосий вақтига 6 дақиқа қўшиб берилди.

89. ГОЛ! Муҳаммадали Ғиёсов қанотдан ёриб кириб, Жияновга пас берди. Вингернинг зарбасидан сўнг Эржан Токотаев ожиз қолди – 0:1!

88. Абдуманнопов Жияновни алдаб ўтди, бироқ наманганликлар вакили якунда унга нисбатан қоидани бузди.  

86. "Навбаҳор"да 2 та алмаштириш: Мўйдинов ўрнига Мирсаидов, Ғуломов ўрнига Комилов баҳсга қўшилди.  

85. "Андижон"нинг қарши ҳужуми ноаниқ пас туфайли ниҳоясига етди. Абдуғаниев ўнг қанот томон пас узатди, аммо унга Усмонов етиб боролмади. 

82. Саиднуруллаевнинг узатмасидан сўнг Акинаде Йўлдошевга нисбатан қўполлик ишлатди. Дарвозабон бугун кўп марта жабр чекди. 

78. "Андижон"да 2 та алмаштириш: Жўрақўзиев ўрнига Абдуғаниев, Абдуманнонов ўрнига Усмонов туширилди. 

75. "Навбаҳор"да ўзгариш: Ўринбоев ўрнига Педро майдонга тушди. 

72. Акинаде - Ҳамиджонов - Жўрақўзиев комбинациясидан сўнг Мўйдинов сўнгги лаҳзада тўп йўлига тўғаноқ бўлди. 

70. Содиқов Азимовга нисбатан қоидани бузди. Андижонликлар тўпни ўйинга киритади ва ҳужум бошлайди. 

67. "Андижон"да алмаштириш: Темиров ўрнига Акинаде баҳсни давом эттиради. 

67. "Навбаҳор"да ўзгариш: Ғофуров ўрнига Содиқов тушди. 

65. Отабек Жўрақўзиев дарвозабон Шукрон Йўлдошев билан туртилиб кетди. Ҳар икки футболчига тиббий ёрдам зарур. Бу вазиятда ҳужумчи тўпга улгурмасдан, дарвозабонга зарба бериб юборди. 

62. Ўйин темпи анча-мунча пасайди. Эҳтимол, жамоалар ўзгариш қилиши керакдир.  

60. Азимов қанотда Ғиёсовга нисбатан қўпол ўйнади.

57. Абдуманнонов паси орқали Жўрақўзиевни олдинга бошлади, бироқ ҳужумчи офсайдда қолгани маълум бўлди. 

54. Тоиров Жиянов тўпга эга чиқиб, қарши ҳужумга ўтиб кетишига йўл қўймади ва тўпни дарвозабонга узатди. 

51. Ғофуров Абдуманноповга нисбатан қоидани бузди ва сариқ карточка олди. 

49. Бурчак зарбасидан ошириб берилган тўп ҳимоячилар томонидан узоқлаштирилди. 

46. Бош ҳакам Рисқуллаев Ғиёсовни оғзаки огоҳлантирди. У мезбонлар сардори Азимовга нисбатан қўполлик ишлатганди. 

46. Иккинчи тайм бошланди! 

Биринчи бўлим якунланди. Ҳозирча ҳисоб очилмади. Танаффус! 

45. Биринчи таймга 2 дақиқа қўшилди. 

43. Абдуманнопов майдонда ётибди. Ҳакам футболчининг ҳолидан хабар олмоқда. "Андижон" вакили сал аввал Ғофуров билан тўқнашувда жабрланганди. 

40. Шаҳзод Азмиддинов Забиҳилло Ўринбоевга нисбатан қўполлик ишлатгани учун огоҳлантирилди. 

39. Зарба! Забиҳилло Ўринбоев ичкарига узатилан тўпни дарвоза томон йўналтирди, анча ноаниқ.  

38. "Бобур Арена": "Зига-зага, зига-зага, оп-оп-оп"! Мухлислар маза қилишяпти. 

37. Азмиддинов ҳаводаги курашда Ўринбоев билан тўқнашди. Наманганликлар ҳужумчисига тиббий ёрдам кўрсатилмоқда. 

33. Ууух! Токотаевнинг узатмаси тўғри Абдуманноповга келиб тушди. Вингер Мўйдиновни алдаб, ерлатиб зарба берди, сал ноаниқ. 

32. Бу гал Ўринбоев жабрланди. Ҳаводаги кураш чоғида Азмиддинов ҳужумчига нисбатан қоидани бузди. 

31. Ўринбоев тўпни олиб қўяман деб, Ҳамиджоновга нисбатан фоль ишлатишга мажбур бўлди. 

29. Бурчак зарбасидан узатилган тўпни Игор Габриэл бош билан дарвозага йўналтиришига бир бахя қолди, аммо тўп ундан ўтиб кетди ва ҳимоячилар уни узоқлаштирди. 

26. Бугун "Андижон"нинг чап қанотида ҳаракат қилаётган Абдуманнопов "Навбаҳор"нинг ўнг қанот ҳимоясидаги Мўйдинов билан кўп марта рўбарў келмоқда.  

23. Абдуманнонов амалга оширган бурчак зарбаси анча муваффақиятсиз чиқди. Тўп "аут"га йўл олди. 

17. Майдоннинг ҳар бир қарич ерида кураш кечмоқда. "Бобур Арена"даги мухлислар ҳам жамоалардан айнан шуни кутишлари аниқ. 

14. Болтабоев Абдуманноповни чалиб йиқитди, майдонда бироз тортишув кузатилди. 

13. Зарбааа! Абдуманноновнинг бурчак зарбасидан ошириб берган тўпи ҳимоячилар томонидан бартараф этилди. Якунда тўп Тоировга етиб келди ва унинг узоқдан берган зарбаси жуда кучли, аммо ноаниқ чиқди. 

9. Уууух! Болтабоев чиройли финти билан ҳимоячиларни ортда қолдириб, тўпни ичкарига оширди, Токотаев тўпни узоқлаштирди! 

7. "Навбаҳор" ўнг қанот орқали ҳужум ташкил этди, ҳимоячиларга ёрдамга етиб келган Дамир Темиров жонбозлик кўрсатиб, тўпни майдон ташқарисига чиқариб юборди. 

5. Жамоалар навбати билан ҳужум уюштиришга уринмоқда, бу пайтга келиб тўп ҳам тиниқ кўрина бошлади. 

2. Ўйин ўз йўлига, лекин мухлислик – топ! "Бобур Арена" қизил рангга бурканди. Майдонда тўпни кўриш қийин бўляпти.

1. Ўйин бошланди! 

- Учрашув 19:00 да бошланади.